Jinkludi wkoll referenzi għal strumenti oħra tal-Kunsill tal-Ewropa, b’mod partikolari l-Karta Soċjali Ewropea, kif ukoll għall-istrumenti rilevanti tan-Nazzjonijiet Uniti. Bil-korp impressjonanti tal-każistika mill-Qorti Ewropea tad-Drittijiet tal-Bniedem u mill-Qorti talĠustizzja tal-Unjoni Ewropea fil-qasam tan-nondiskriminazzjoni, jidher utli li jiġi ppreżentat, b’mod aċċessibbli, manwal maħsub għall-ġuristi — bħall-imħallfin, il-prosekuturi u l-avukati, kif ukoll uffiċjali tal-infurzar tal-liġi — fl-UE u l-Istati Membri tal-Kunsill tal-Ewropa u lil hinn.
